اقرب شاااعر يجي

[قلب الاسد]

السلام عليكم ورحمة الله وبركاته

حياكم الله اخواني وبني عمي ودي انه يكون هناك محاوره والغاز وان يكون هذا الموقع نشط وكلن يسوي جهده وانا والله ماني بشاعر لكني من هواة المحاوره والرديه وباشارك وياليت يكون هناك من يشاركني ويرد علي وتراني على ماقالوا اطق طق يعني ( شويعر )


اقول:

سلامي يارمز الوفا والمواجيب=يااهل الفعول اللي ينومس نباها
واليوم حنا تحت حكم المعازيب=عيال منهو بالشكاله خذاها

واعذروني على القصور وانا انتظر الرد

[سلطان الودعاني]

افااااا ياصبيان الوداعين محد منكم رد

ارحب ارحب ياقلب الاسد في منتداك وبين ربعك والله اني ماني بشاعر لكن لزوم اني ارد عليك

يامرحبا يالزايدي والف ترحيب=في منتدى قوم" بعيد" مداها
الاد ودعان" قروم" معاطيب=ياسعد منهم محزمه في لقاها

تقبل ردي ياكحيلان

[فيصل الدوسري]

ارحبو ياشعّـار

لاهنتم وصح السنتكم

~

[حوض المنايا]

يا مرحبا باللي يزف التراحيب *** ترحيبت(ن) ما هو قريب(ن) مداها
قلب الأسد ممساه عالي المراقيب *** من لا ابن ودعان تحمي حماها


ما نيب شاعر ولكن حبيت أشارك بني عمي

[عبدالله بن سويّد الودعاني]

والله مانيب شاعر شويعر لكن تستاهلون

معى ان سلطان كفانا لكن لايمانع ان نرد ايضاً وجعلك ذخر يبو تركي

ارحب ارحب ياعريب المناسيب=اقولها من خاطري بعالي نداها
بقلب الأسد وسلطان كاسبين الطيب=وحوض المنايا الصعايب رقاها

وتقبلو ردي وودي يالذيابه

[ابومطيران الودعاني]

يامرحبا واهلين ياصيحت الذيب
ترحيبتن تاصل لعالي سماها
لاشك حنا في عهود المعازيب
اخوان نوره ممنت من نصاها







مجرد مشاركه مع الاخوان

[عزيز قوم]

يامرحبا مليون ياكاسب الطيب @ ياعارف علوم المراجل مانساها

حنا بن ودعان لاشك ولا ريب @ نكرم ضيوفنا والجار ناسم عصاها

والله مانيب شاعر لكن الطيب يغصب الرجال يظهرون مافي خواطرهم من قدر وحشمة له وتستاهل والله يحييك في منتداك